Mateu 2

1 Dempués que Xuasús ñaciera'n Belén de Xudea nos dias d'Herodes el rei, unos magos d'oriente llegaron a Xerusalén 2 y entrugaban: "¿U ta'l rei de los xudíos que ñaciou? Porqué vimos la súa estrella n'oriente y vinimos a dar-y homenaxe" 3Al oyir estu, el rei Herodes preocupouse, y toa Xerusalén con elli 4 y dempués de reunir a toulos sacerdotes principales y a los escribas del pueblu, entrugou u tenía que ñacer el Cristu. 5 Ellos contestaron que'n Belén, da tierra de Xudea, perqué asina foi escritu pol profeta: "Y tu, Belén, da tiera de Xudá, nun yes el más pequeñu de los clanes de Xudá, porqué de ti surdirá unu que gobernará, que pastoreará al miu pueblu Israel"

7Entoncias Herodes llamou'n secretu a los magos y averiguou cuandu apareciou la estrella esáctamente, 8y al envialos pa Belén dixou-ys: "Díi y buscai bien al rapaz y cuandu torneis, informaime pa que you tamién vaya a dar homenaxe. 9Dempués d'oyir al rei, ellos siguieron el súo camín y la estrella que vieron n'oriente diba delante d'ellos, fasta que llegou y parouse u taba'l rapaz. 10Al ver la estrella, alegráronse muncho. 11 Y cuandu entraron na casa vieron al rapaz con María, la súa ma, y prosternándose, dieron-y homenaxe. Tamién abrieron los suos tesouros y presentaron-y regalos: ouru, inciensu y mirra. 12 Y avisaos nun suañu de que non tornaran a Herodes, marxaron por outru camín pa la súa tierra.

13 Lluéu que los magos marcharon, un ánxel del Señor apareciouse a Xosé diciendo: "¡Llevántate, cueyi'l neñu y a la súa ma y fuye pa Exiptu, y quédate fasta que te lu diga you, porque Herodes busca'l neñu pa matalu. 14 Él llevantouse, coyou'l neñu y a la súa ma y marchou pa Exiptu; 15 y quedouse eillí fasta la muerte d'Herodes pa que cumpliérase lu que'l Señor dixera por boca d'un profeta: "Dende Exiptu llamei al miu fiu"

16 Entoncias, cuandu Herodes viou que los magos burláronse d'elli, anoxouse munchísimu y mandou que mataran toulos rapaces de Belén y de tou'l suo términu, que tuvieran dos años ou menos, segontes calculara polos magos. 17 Asina cumpliouse lu que dixera'l profeta Xeremías: 18 "En Ramá escuechase una voz, un llamentu y un clamor interminable. Ye Raquel que llora los suos fios y que nun quier sere consolada, porque ellos ya nun son."

19 Cuandu Herodes morriou, l'ánxel del Señor apareciouse nun suañu a Xosé, n'Exiptu y dixou: 20 "Llevántate, cueyi'l neñu y la súa ma y vuelve pa la tierra d'Israel, porque los que conspiraban escontra la vida del rapaz ya son muertos." 21 Llevantouse Xosé, coyou'l neñu y la súa ma y entrou outra vez na tierra d'Israel.

22 Pero cuandu uyou que Arquelau reinaba'n Xudea, en llugar del suo pá Herodes, tuvou mieu de dire, y, avisáu nun suañu, marchouse pa la rexón de Galilea. 23 Y marchou a vivire a un pueblu llamáu Nazaret, pa cumplire'l dichu de los profetas: "Será llamáu nazarenu"